CISeko azken berriak

Opiniones y Actitudes bildumaren izenburu berrien doako sarbidea eta deskarga eskaintzen ditu CISek. Ordenagailu pertsonaletan zein irakurgailu elektronikoetan deskarga daiteke, kostu gehigarririk gabe. Horretarako hiru formatu elektroniko garatu dira: pdf eskuragarria (erabiltzaileek, gaitasun fisikoa edozein dela ere eta gailu egokien laguntzaz, beren ordenagailutik liburua irakur dezaten); eta irakurgailu elektroniko ezberdinetara egokitutako bi formatu: e-reader gailuetarako pdf formatua eta smartphone eta gailu elektroniko mota guztientzako e-pub formatua. Deskarga formatuak: pdf eskuragarria e-reader gailuetarako pdf formatua smartphone eta gailu elektroniko mota guztientzako e-pub formatua Liburua paperezko formatuan jaso nahi dutenentzat "eskaeraren araberako inprimatzea" modalitatean ere egongo dira erabilgarri izenburuak hemendik aurrera. Hartara, ale fisikoa erosteko aukera izango dute erabiltzaileek, gure web orrian eskaera eginez. Paperezko edizioa erosteko, sakatu interesatzen zaizun izenburuaren irudian; eskaeraren araberako inprimatzea deritzon plataforma batera eramango zaitu, eta handik egin ahal izango duzu eskaera.

INFORMAZIO FITXA - Datu bibliografikoak Izenburua: De la sociología. Números, narrativas e integración de la investigación y la teoría. Egilea/k: John H. Goldthorpe José María Maravallen aurkezpena Argitalpen hizkuntza: Gaztelania Edizioa: 1. edizioa, 1. inprimatzea Argitalpen data: 2010/04 Argitalpena: Centro de Investigaciones Sociológicas (CIS) eta Boletín Oficial del Estado (BOE) Deskribapena: 607 orri. 23x15 cm Azala: arrunta Bilbuma: Clásicos Contemporáneos, 1 ISBN: 978-84-7476-484-0 Edukiaren laburpena: Egungo soziologorik garrantzitsuenetako batek gizarte mailen artean eta bizi-aukeretan, mugikortasun sozialeko tasetan eta hezkuntza arrakastetan dauden ezberdintasunak aztertzen ditu. Eztabaida teoriko eta metodologiko erakargarrietan ere murgiltzen da. Fenomeno sozialen azalpenari aplikatutako ekintza arrazionalaren teoria defendatzetik sortutako lana da. Eros ezazu % 5eko deskontuarekin CISen bilduma berriko lehen izenburu honek soziologia on bat egiteak zer esan nahi duen azaltzen du. John H. Goldthorpe Nuffield College-ko kide emeritua da Oxford Unibertsitatean. Britainia Handiko eta Europako akademiako kide ere bada, eta baita Suediako zientzien errege akademiako atzerriko kide ere. Gizarte mailen egituraren eta ikerketa klasiko ugarirekin lagundu duen gizarte aurreratuetako mugikortasun sozialaren inguruko aditu nagusienetako bat da. Egin duen gizarte mailen eskema da, beharbada, oraingo soziologia enpirikoan eraginik handiena duen azterketa tresna; izan ere, gizarte egiturak konparatzeko -herrialde batean, denboran zehar, eta herrialde ezberdinen artean- eta jokabidean izan ditzakeen eraginak neurtzeko aukera eskaintzen du. Azken urte hauetan, ikerketa enpirikoarekin jarraitzeaz gain, soziologiako eztabaida metodologikoetan ere hartu du parte, non gizarteak ezagutzeko aurrerapen zientifikoaren norabideari buruz duen ikuspuntuaren alde egin duen. José María Maravall Universidad Complutense de Madrid unibertsitateko katedraduna da soziologian eta Honorary Fellow Oxford-eko unibertsitateko St. Antony's College-en, eta, gainera, Arteen eta zientzien Amerikako akademiako eta Britainia Handiko akademiakoa kide ere bada. 2007an, CISek eman ohi duen soziologia eta politika zientziaren sari nazionala jaso zuen, eta, gaur egun, CISeko Aholku Batzordeko kide da. Horrez gain, CISek argitaratzen duen Revista Española de Investigaciones Sociológicas (REIS) aldizkariko Kontseilu Editorialean ere parte hartzen du. Hainbat argitalpen plazaratu ditu, kontu askori buruzkoak, baina demokrazien eta bertako instituzioen funtzionamenduari buruzko azterlan erkatua nabarmendu daiteke.

Centro de Investigaciones Sociológicas-ek urtero REIS aldizkarian argitaratutako artikulu onenerako saria antolatuko duela iragarri du. 2009an argitaratutako artikulu onenerako saria 2010ean emango da lehenengo aldiz. Sari horrekin, aldizkarian urtero argitaratzen diren artikulurik original eta aipagarrienak eta metodologia-kalitate gehien dutenak aztertu nahi ditu CISek eta, era berean, artikuluen egileei bizigarri bat eman nahi die nazio eta nazioarteko komunitate zientifikoan egiten duten ikerketa-jarduera hedatzen laguntzeko eta beren lanen ikuspena gizarte-zientzien alorrera zabaltzeko. Beste zerbaiten berri ere eman nahi dugu, izan ere, REIS aldizkaria nazioartean izen handia duten aipuen bi aurkibidetan parte hartzeko aukeratu baitute: Social Sciences Citation Index, Thomson Reutersena, eta Scopus, Elsevierena. Horrek, zalantza ezineko kalitatearen eta garrantzi zientifikoaren aparteko aitormena izateaz gain, nazioarte mailan erreferentziazkoak diren argitalpen espainolen talde murriztuan sartzen du aldizkaria. Bestalde, gizarte zientzietan espezializatutako aldizkako argitalpen espainiarrei buruzko ikerlan batean, horien diziplinartekotasun maila aztertzen da. REISek lortutako emaitzak bikainak dira, izan ere, gizarte zientziei lotutako izenburu guztien multzoan hirugarren postuan baitago, eta lehenengo postuan soziologia eta politika zientzien aldizkarien artean: http://redc.revistas.csic.es/index.php/redc/article/view/458/470 Horrez gain, REIS aldizkariak bere artikuluetarako doako sarbidea handitu duela jakinarazten dugu, beraz, azken lau aleetarako sarbidea harpidedunentzat bakarrik erreserbatzen da. Amaitzeko, Argitalpen Kontseiluaren erabakiz, REIS aldizkaria argitalpen elebiduna izango dela jakinarazi nahi dugu. Une hauetan ingelesez idatzitako eskuizkribuak jaso eta ebaluatzen ditu eta Argitalpen Kontseiluaren onarpena jasotzen dutenak hizkuntza horretan ere idatziko dira.