CIS - Centro de Investigaciones Sociológicas

O CCI de xaneiro sobe e alcanza os 73 puntos, 5 puntos máis que en decembro

• O ICC segue subindo cunha suba acumulada de 17,5 puntos desde xullo, cando alcanzou os 55,5 puntos.
• O índice de situación actual sitúase en 60,2 puntos en xaneiro, cun incremento de 4,1 puntos en relación ao obtido en decembro.
• A valoración das expectativas de futuro mellora 5,8 puntos no último mes.

Madrid, 6 de febreiro de 2023 A confianza dos consumidores sitúase en 73 puntos no mes de xaneiro, 5 puntos máis que en decembro segundo o índice mensual do Centro de Investigacións Sociolóxicas. A cifra do ICC leva subindo desde xullo cando se situou en 55,5 puntos, desde entón subiu 17,5 puntos.

Este incremento do índice débese ao incremento dos seus dous compoñentes: a valoración da situación actual medra 4,1 puntos con respecto ao mes de decembro e a valoración das expectativas de futuro mellora 5,8 puntos no último mes.

O índice de valoración da situación actual alcanzou en xaneiro os 60,2 puntos.Esta subida do índice débese á evolución positiva das valoracións dos seus tres compoñentes: a valoración da situación económica actual crece 5 puntos con respecto ao mes de decembro, situándose en 46,3 puntos, a da situación dos fogares sobe 2,5 puntos, chegando aos 64 puntos e a valoración do mercado laboral aumenta 4,7 puntos, ata os 70,2 puntos.

O Índice de Expectativas alcanza este mes de xaneiro os 85,8 puntos, cun incremento de 5,8 puntos con respecto ao mes de decembro.

Os datos do CIS ICC baséanse nunha mostra representativa da poboación española de 2.855 entrevistas realizadas entre o 13 e o 20 de xaneiro.

Para calquera dúbida, o teléfono de Comunicación é o 91 580 76 25.

Esta información puede ser usada en parte o en su integridad sin necesidad de citar fuentes.

C/ Montalbán, 8
28014 Madrid
Email: comunicacion@cis.es
Tlf.: 91.580.76.25
Fax: 91.531.81.31

Nota de prensa Avance de resultados