Ekitaldiak

Berorren Maiestate Erregeak María Ángeles Durán Heras andreari eman dio Soziologia eta Zientzia Politikoko Sari Nazionala Madril, 2019ko urtarrilak 30: Atzo, asteartea, urtarrilak 29, 12:00etan, El Pardo Museoko Auditorioan, Soziologia eta Zientzia Politikoko 2018ko Sari Nazionala eman zion Erregeak Soziologiako katedradun María Ángeles Durán Heras andreari, bere ibilbide profesional eta akademiko bikaina aintzatesteko.

Erregeak Soziologia eta Politika Zientzia Sari Nazionala eman dio Emilio Lamo de Espinosa y Michels de Champourcin-i. Madril, 2017ko martxoak 23: Atzo, asteazkena, martxoak 22, 12:00etan, El Pardoko Errege Jauregian Soziologia eta Politika Zientziako 2016ko Sari Nazionala eman zion Erregeak Emilio Lamo de Espinosari, ibilbide profesional eta akademiko bikaina aintzatesteko. Ekitaldian izan ziren Espainiako Gobernuko presidenteorde eta Presidentetzako ministro Soraya Sáenz de Santamaría eta CISeko presidentea, Cristóbal Torres Albero. Edizio honetako epaimahaian izan dira Félix Requena, CISeko presidente ohia; Madrilgo Unibertsitate Konplutentsean Soziologiako katedradun Joaquín Arango Vila-Belda; Nafarroako Unibertsitate Publikoan Soziologiako katedradun Josetxo Beriaín Razquin; La Lagunako Unibertsitatean Soziologiako katedradun Teresa González de la Fe; Urrutiko Hezkuntzako Unibertsitate Nazionalean Zientzia Politikoko katedradun Carmen González Enríquez; Valentziako Unibertsitatean Zientzia Politiko eta Administrazioko katedradun Pablo Oñate Rubalcaba eta Madrilgo Unibertsitate Autonomoan Soziologiako katedradun Cristóbal Torres Albero. Biografía : Emilio Lamo de Espinosa

Madril, azaroak 25.- Ikerketa Soziologikoen Zentroak (CIS) "ESPAÑA 2015.SITUACION SOCIAL" izeneko lana aurkeztu du, Espainiako gizartearen egituraren eta egoeraren azterketa sakona egiten duena. Lan horretan 160 irakasle eta ikertzailek hartu dute parte, soziologoen belaunaldi desberdinetakoak. Idazlanak primeran islatzen du gure herrialdeko gizartearen errealitatea. Ekitaldia azaroaren 24an izan da, Madrilgo Zurbano Jauregian. Bertan izan dira Madrilgo Unibertsitate Autonomoko Soziologiako katedradun Cristóbal Torres Albero; Unibertsitate Konplutentseko Soziologiako katedradun Juan Díez Nicolás; Soziologiako katedradun eta CSICeko irakasle ikertzaile Mª Ángeles Durán eta Unibertsitate Konplutentseko Soziologiako katedradun Enrique Gil Calvo. Eta noski, CISeko presidente Félix Requena ere han egon da.

Erregeak Víctor Pérez Díazi eman dio Soziologia eta Politika Zientziako Sari Nazionala Madril, 2015eko martxoak 9: Gaur astelehena, martxoak 9, 12:00etan, Zarzuela jauregian, Soziologia eta Politika Zientziako 2014ko Sari Nazionala eman dio Erregeak Víctor Pérez Díaz irakasleari, arlo profesional eta akademikoan egin duen ibilbide bikaina aintzatesteko. Ekitaldian izan ziren Espainiako Gobernuko presidenteordea eta Presidentetzako ministroa den Soraya Sáenz de Santamaría eta CISeko presidentea, Félix Requena Santos. Soziologiako Doktorea da Harvard-eko Unibertsitatean, eta Zuzenbideko eta Politika Zientzietako Doktorea ere bai Madrilgo Unibertsitate Konplutentsean. Víctor Pérez-Díaz (Madril, 1938) Soziologiako katedraduna da Madrilgo Unibertsitate Konplutentsean 1980. urteaz geroztik. Azken 50 urte hauetan, Pérez-Díazek meritu akademiko eta profesionalak eskuratu ditu soziologiako, politika-zientzietako eta ekonomiako diziplinetan, eta horiexek bihurtu dute gizarte-zientzia garaikideetako Espainiako pertsona famatu. Hurrengo hauek izan ziren epaimahaiko kideak: CISeko presidente Félix Requena Santos, CISeko presidente ohi Pilar del Castillo europarlamentaria, Urrutiko Hezkuntzarako Unibertsitate Nazionaleko katedradun Luis J. Garrido Medina, Urrutiko Hezkuntzarako Unibertsitate Nazionaleko katedradun Carmen González Enríquez, Euskal Herriko Unibertsitateko katedradun Francisco J. Llera Ramo, Madrilgo Unibertsitate Autonomoko katedradun José Juan Toharia Cortés eta Madrilgo Unibertsitate Autonomoko katedradun Cristóbal Torres Albero. Argazkiak: © Errege Etxea

Madril, martxoaren 14a.- Ostegunean, martxoaren 13an, 12:00etan, Málagako Unibertsitateko Ekonomia eta Enpresa Zientzien Fakultateko Gradu Aretoan egin zen Ikerketa Soziologikoen Zentroak (CIS) argitaratutako "Sociología económica: una investigación sistemática" liburuaren aurkezpena ("Clásicos Contemporáneos" bildumako izenburu berria). Aurkezpen mahaia honako hauek osatu zuten: Eugenio J. Luque Domínguez, Fakultateko dekanoa, Félix Requena Santos, Málagako Unibertsitateko katedraduna eta CISeko presidentea, Macarena Parrado Gallardo, Dakultateko Irakaskuntza eta Komunikazio Laguntzako dekanordea, Luis Ayuso Sánchez, Granadako Unibertsitateko soziologiako doktorea eta Málagako Ekonomia eta Enpresa Zientzien Fakultateko irakaslea, eta lanaren egilea, Alejandro Portes, Princetoneko eta Miamiko Unibertsitateetako soziologiako irakaslea. Sociología económica: una investigación sistemática; Alejandro Portesen obra klasiko bat da, bere bizitza akademikoan egin dituen ekarpen garrantzitsuenetako batzuk biltzen dituena. Lan honek soziologia ekonomikoa instituzionalizatzeko ekarpena egiten du, diziplinaren benetako aurrerapena ahalbidetzeko planteamendu berrietarako biraketa sendotzen du. Alejandro Portes Princetoneko eta Miamiko Unibertsitateetako soziologiako irakaslea da egun. Berak argitaratutako izenburuen artean honako hauek nabarmentzen dira: City on the Edge: The Transformation of Miami (1983), Immigrant America: A Portrait (1996), Legacies: The Story of the Immigrant Second Generation (2001) eta Ethnicities: Children of Immigrants in America (2011). Bere pentsamoldea eta bere lanak kontuan hartuta, Portes da, ziur aski, egungo gaztelaniazko erreferentziazko soziologo garrantzitsuena, eta XXI. mende hasierako migrazioen eta soziologia ekonomikoaren azterketan gehien eragin dutenetako bat. Informazio gehiago nahi izanez gero, sakatu hemen  

Social Transformations and the Digital Age Montreal, Kanada - urriaren 13tik 15era   CISek lehen aldiz hartu zuen parte UNESCOren International Social Science Council-ek (Gizarte Zientzien Nazioarteko Kontseilua) antolatutako World Social Science Forum (WSSF, Gizarte Zientzien Munduko Foroa) ekitaldian. WSSFren edizio honen gai monografikoa aro digitaleko gizarte transformazioak izan ziren. Herrialde europarretako, amerikarretako, latinoetako, asiarretako eta afrikarretako 800 ordezkari baino gehiago izan ziren bertan. WSSF2013 ekitaldiaren esparruan, CISek “Digital Technologies and Digital Data as Strategic Research Materials for the Social Science” (teknologia eta datu digitalak gizarte zientzien arloko ikerketa estrategikorako material gisa) lan saioa antolatu zuen, Manuel Fernández Esquinas irakaslearen koordinazioari esker (IESA). CISek bere azterketen datu-basea aurkeztu zuen, datu eskuragarrien eta doakoen adibide gisa. Bide batez, foroko saio desberdinetan gehien eztabaidatutako gaietako bat landu zuten: gizarte zientzien arloan sortzen diren datuen eskuragarritasuna. WSSFn izandako parte-hartzea CIS gauzatzen ari den nazioartekotze estrategiaren zati da. WSSFren helburu nagusia gizarte zientzien arloan garrantzia duten gaiak lantzea da, baita beren jarduera esparru horietan gauzatzen duten instituzio eta erakunde desberdinetan sortzen diren lanak eta hausnarketak bideratzea ere. Hemen lor daiteke WSSFri buruzko informazio gehiago: http://www.wssf2013.org/social-transformations-and-digital-age Eta hemen CISek antolatutako saioari buruzko informazio gehiago: http://www.wssf2013.org/panel-comit%C3%A9/digital-technologies-and-digital-data-strategic-research-materials-social-sciences.

Madril, ekainak 28a.- Centro de Investigaciones Sociológicas (CIS) zentrok "De la sociedad española y otras sociedades: Libro homenaje a Amando de Miguel" aurkeztu du, Benjamín García Sanz, Julio Iglesias de Ussel, Jesús Martínez Paricio, Benjamín Oltra eta Miguel S. Vallesek koordinatutako liburua. Ekainaren 27an egin zen aurkezpen-ekitaldia, Centro de Estudios Políticos y Constitucionales (CEPC) zentroko Salón de Tapices aretoan, eta bertan izan ziren Félix Requena Santos (CISeko presidentea), Benigno Pendás García (CEPCko zuzendaria), Julio Iglesias de Ussel (Unibertsitate Konplutentsea), Miguel S. Valles (Unibertsitate Konplutentsea) eta Amando de Miguel. Soziologiarekin bereziki lotutako 40 artikulu inguru biltzen ditu, akademia-munduko egile ospetsuek idatzitakoak, eta Amando de Miguel omentzen du, Universidad Complutense de Madrid unibertsitateko Soziologiako Katedradun Emeritu ospetsua. De Miguelen lanbide-ibilbidea islatzen du liburuak. Soziologo gisa zuen jarduera zientifikoa eta dibulgatzaile nahiz kazetari gisa zuen irakasle-lana bat egin zituen, eta hala ehun liburu baino gehiagoko argitalpen-produkzioa sinatu du. Lau gai-ataletan banatutako liburuak gizartearen analisia egiten du, hizkuntzaren, komunikazioaren, demografiaren eta ekonomiaren ikuspegitik, besteak beste, eta jendearen testigantzak biltzen ditu, baita Amando de Miguelen obrako funtsezko gaiak islatzen dituen ekarpen akademikoak ere.

Biografía Juan Díez Nicolás

Madrilgo Liburu Azokako 17. etxolan egongo da CIS ekainaren 12ra arte, eta Puerta de Madrid atetik (O'Donnell kalea) sartu ahal izango da bertara. CISen argitalpenen bat erosiz gero, publikoaren salmenta-prezioaren % 10eko deskontua aplikatuko da.

Biografia :

John H. Goldthorpek CISek argitaratutako Clásicos Contemporáneos bilduma berriaren lehen izenburua aurkeztuko du Madrilen Irailaren 15ean CEPCk duen egoitzan egingo den "De la sociología: números, narrativas e integración de la investigación y la teoría" liburuaren aurkezpenean izango dira baita ere José María Maravall, Madrilgo Unibertsitate Konplutentseko Soziologiako Katedraduna, eta Belén Barreiro, CISeko presidentea. Egungo soziologorik garrantzitsuenetariko bat den John. H. Goldthorpek aurkeztu du CISek argitaratutako Clásicos Contemporáneos bilduma berriaren lehen izenburua: "De la sociología: números, narrativas e integración de la investigación y la teoría". BOErekin batera argitaratutako bildumak soziologo eta politologorik ospetsuenen lanak biltzea du helburu. Lehen izenburu horrek gizarte mailen arteko ezberdintasunak eta bizi-aukeretan, mugikortasun sozialaren tasetan eta hezkuntza-arrakastetan dauden aldeak aztertzen ditu. CISeko presidente Belén Barreiroren hitz batzuekin hasi zen ekitaldia. Hitz horiekin, buru zen erakundeak, inkestan bildutako datuak ekoiztuz eta argitalpen-jardueraren bidez, Goldthorpek bere liburuan defendatzen dituen arau zehatz eta gardenek arautzen duten soziologia zientifiko bat garatzen eta finkatzen laguntzen zuela azpimarratu zuen. Jarraian, José María Maravallek izenburu horrek egile britainiarraren ideia nagusien bilduma bikaina eskaintzen duela, soziologia on batek zer esan nahi duen azaltzeko benetako gida dela eta gure egungo gizartean ezberdintasunak zergatik dauden ulertzeko oinarrizko arrazoiak ematen dituela azpimarratu zuen. John H. Goldthorpek, bestalde, bere lanak munduko zenbait lekutan izan duen harrera ezberdina azaldu ondoren, oinarrizko hiru aldik osatutako ikerketa modu bat defendatu zuen. Lehendabizikoan, aztertuko den gaiaren erregulartasun enpirikoak dokumentatzen dira. Bigarrengoan, hipotesiak sortzen dira, erregulartasun horiek argitzeko mekanismoak identifikatzen saiatzeko teorien bidez. Hirugarrengoan, hipotesi horiek frogatzen dira, datu-analisiaren bidez. Egileak aukeraketa arrazionalaren teoria defendatu zuen, argitzeko duen ahalmenagatik, eta ikerketa kualitatiboak kuantitatiboak bezalako metodologia esplizitua egin behar duela nabarmendu zuen. Amaitzeko, egileak argitaletxea eta itzultzailea, Teresa Casado, zoriondu zituen egindako lanagatik. Entrevista con John H. Goldthorpe publicada por el Servicio de Información y Noticias Científicas - SINC John H. Goldthorperi egindako elkarrizketa, Servicio de Información y Noticias Científicas (SINC) zerbitzuak argitaratua John H. Goldthorpe Nuffield College-eko kide emeritua da Oxford unibertsitatean. Britainia Handiko eta Europako akademiako kide ere bada, eta baita Suediako zientzien errege akademiako atzerriko kide ere. Gizarte mailen egituraren eta ikerketa klasiko ugarirekin lagundu duen gizarte aurreratuetako mugikortasun sozialaren inguruko aditu nagusienetako bat da. Egiten duen mailen eskema, beharbada, soziologia enpiriko garaikidean eragin handiena duen tresna da; izan ere, egitura sozialak alderatzeko -herrialde berean denboran zehar eta baita zenbait herrialderen artean ere- eta portaerari buruzko bere efektuak neurtzeko aukera eskaintzen du. Azken urte hauetan, ikerketa enpirikoarekin jarraitzeaz gain, soziologiako eztabaida metodologikoetan ere hartu du parte, non gizarteak ezagutzeko aurrerapen zientifikoaren norabideari buruz duen ikuspuntuaren alde egin duen. José María Maravall Universidad Complutense de Madrid unibertsitateko katedraduna da soziologian eta Honorary Fellow Oxford unibertsitateko St. Antony's College-en, eta, gainera, Arteen eta zientzien Amerikako akademiako eta Britainia Handiko akademiakoa kide ere bada. 2007an, CISek eman ohi duen soziologia eta politika zientziaren sari nazionala jaso zuen, eta, gaur egun, CISeko Aholku Batzordeko kide da. Horrez gain, CISek argitaratzen duen Revista Española de Investigaciones Sociológicas (REIS) aldizkariko Kontseilu Editorialean ere parte hartzen du. Hainbat argitalpen plazaratu ditu, kontu askori buruzkoak, baina demokrazien eta bertako instituzioen funtzionamenduari buruzko azterlan erkatua nabarmendu daiteke.

Centro de Investigaciones Sociológicas zentroko presidente Belén Pérez-Pardo andreak Nueva Sociedad foroan eman duen hitzaldia 2010eko ekainak 23.- Gaur goizean, Belén Barreiro Pérez-Pardo andreak Nueva Sociedad foroan hartu du parte, Nueva Economía Forum erakundeak antolatutako hitzaldien barruan. Soziologoa eta Hezkuntza Ministro ohia den José María Maravallek egin du aurkezpena. Hitzaldiko testua