O Centro de Investigaciones Sociológicas comprácese en anunciar que todos os usuarios da nosa páxina web poden descargarse, de forma completamente gratuíta, os arquivos de datos das enquisas realizadas por este organismo.

A posta en marcha deste servizo forma parte dun conxunto de medidas destinadas a aumentar a transparencia no acceso aos datos así como a eficacia no funcionamento do CIS.

O acceso aos arquivos de datos farase de forma gradual. O 1 de xaneiro de 2009 estarán a disposición do público as enquisas realizadas en 2008 e 2007. Nos meses posteriores engadiranse todas as enquisas dende 1995. Os arquivos anteriores a 1995 iranse incorporando máis adiante, sempre e cando o permita a antigüidade dos datos.

Os arquivos de datos, en formato ASCII, figuran nun arquivo comprimido que se poderá descargar dende a páxina web tras cubrir un simple formulario. Tamén se poderá acceder libremente ao arquivo de sintaxe (nos paquetes estatísticos SPSS e/ou SAS), ao cuestionario, á ficha técnica, ao libro de códigos e ás tarxetas. Os datos, como é lóxico, proporcionaranse convenientemente anonimizados.

• Estudos 2010
• Estudos 2009
• Estudos 2008
• Estudos 2007
• Estudos 2006
• Estudos 2005
• Estudos 2004
• Estudos 2003