Catálogo de Institucións

Catálogo de Institucións

O catálogo de ARCES está formado, á súa vez, pola integración de varios catálogos:

• Banco de Datos do CIS: almacena os ficheiros de microdatos das enquisas do CIS xunto cos de outras institucións (Ministerio de Traballo, INJUVE, Centro de Estudios de la Realidad Social (CIRES), etc.).



• ICPSR: pódese acceder de forma gratuíta na web aos libros de códigos e á documentación dos estudos que este centro almacena. Os ficheiros de microdatos pódense solicitar a través do CIS. Entre outros moitos, no ICPSR están almacenadas as enquisas mundiais de valores e os eurobarómetros.



• ISSP: este Programa é un proxecto conxunto entre varios países co fin de obter datos para ámbitos xeográficos amplos e poder realizar comparacións internacionais. Os seus ficheiros atópanse almacenados no ZA (Central Archive de Cologne), membro do CESSDA, polo que o CIS actúa como intermediario para a súa obtención.



• CESSDA: agrupa a un conxunto de arquivos de datos de estudos sociais de distintos países europeos. A petición de ficheiros de microdatos dun calquera dos seus membros pódese facer a través do CIS.



• Roper Center: situado na Universidade de Connecticut, este centro dispón dunha gran cantidade de arquivos con datos sobre opinión pública. Dispoñen dun banco de datos específico sobre Latinoamérica. Tamén a través do CIS poden conseguirse os seus ficheiros.